Prezident İlham Əliyev 2026-cı il üçün “Zayed İnsan Qardaşlığı Mükafatı”na layiq görülüb. Davosda “Euronews” televiziyasına müsahibəsində bu barədə təəssüratını bölüşməyi xahiş edən müxbirin sualına cavabda dövlətimizin başçısı deyib ki, belə nüfuzlu mükafatı almaq böyük şərəfdir.. Xüsusən də o, Birləşmiş Ərəb Əmirliklərinin qurucusu, mərhum Şeyx Zayedin adını daşıyır.
Bu mükafat bütün Azərbaycsan vətəndaşlarını olduqca sevindirir. Bunun arxasında böyük zəhmət, gərgin fəalliyyət dayanır. Azərbaycanın əldə etdiyi böyük uğurlarının, qələbələrinin təməlində düzgün və müdrik siyasətin aparılması dayanır. Bu isə onu təsdiq edir ki, Ulu Öndərimiz Heydər Əliyevin siyasi xəttinin dönməzliyi və. davamlılığı ən yüksək səviyyədə təmin olunur. 2020-ci ilin sentyabrın 27-də başlayan və 44 gün çəkən Vətən Müharibəsində 30 illik erməni işğalında olan torpaqlarımızın azad edilməsi bunu əyani sübutu sayılar. 2023-cü il sentyabrın 19 – da başlayan və 23 saat 44 dəqiqə çəkən antiterror əməliyyatları ilə Qarabağdakı separatçıların təmizlənməsi, terrorçuların tam şəkildə tərksilah edilməsi və bununla da ölkəmizin suverenliyinin təmin olunması Dahi Öndərimiz Heydər Əliyevin əsasını qoyduğu siyasətin uğurla davam etdirildiyini bir daha təsdiqlədi.
Prezident vurğulyıb ki, bu qərar otuz ildən artıq müddətdə qan tökülməsindən, münaqişə və müharibələrdən sonra Qafqazda sülhün qurulmasında səylərimizə verilən qiymətdir. .Bu gün Cənubi Qafqaz, həmçinin yeni inkişaf mərhələsinə daxil olur. Öz müstəqillik tariximizdə heç zaman sülh şəraitində yaşamamışıq. Bu gün Azərbaycan ilə Ermənistan arasında münasibətlər artıq əməkdaşlığa çevrilir. Biz Ermənistana gedən yüklərin daşınmasında bütün məhdudiyyətləri götürdük. Bundan əlavə, biz Ermənistanın əsasən asılı olduğu əsas malların, ilkin növbədə, neft məhsullarının həmin ölkəyə təchizatına başlamışıq. Bu vəziyyətdən hamı udur. Beləliklə, Ermənistan və Azərbaycanın, eləcə də vətəndaş cəmiyyətinin birgə səyləri ilə biz Qafqazda uzunmüddətli deyil, əbədi sülhə nail olacağıq.
Nuranə Şahbazova,
Cəlilabad RİH-nin əməkdaşı