Özbəkistan idman tarixində mühüm bir nailiyyətə imza atıb. Futbol üzrə Özbəkistan milli komandasının dünya çempionatının final mərhələsinə vəsiqə qazanması ölkənin idman sahəsində qazandığı uğurların məntiqi davamıdır. Bu nəticə yalnız bir oyun qələbəsi deyil, uzunmüddətli inkişaf siyasətinin və ardıcıl idman strategiyasının parlaq göstəricisidir.Mütəxəssislərin fikrincə, bu nailiyyət Özbəkistanda idmanın müxtəlif sahələrinə, xüsusən də gənclərin fiziki tərbiyəsinə göstərilən sistemli diqqətin nəticəsidir. İdman strukturlarının təkmilləşdirilməsi, gənc idmançılara yaradılan şərait və beynəlxalq standartlara cavab verən hazırlıq prosesi bu kimi uğurlar üçün zəmin yaradıb.Son illər ərzində Özbəkistan nümayəndələrinin Olimpiya Oyunlarında və digər beynəlxalq turnirlərdə qazandığı nəticələr bu uğurun təməlində dayanır. Bu tendensiya sübut edir ki, ölkədə gənclərin hərtərəfli inkişafına yönəlmiş siyasət təkcə sosial sahədə deyil, həm də idman göstəricilərində real nəticələr verir.Futbol üzrə əldə olunan bu vəsiqə təkcə idman ictimaiyyətində deyil, bütün Özbəkistan cəmiyyətində qürur və ruh yüksəkliyi yaradıb. Uğurun arxasında duran əsas amillərdən biri də dövlət səviyyəsində bu sahəyə olan ardıcıl və məqsədyönlü münasibətdir.Ekspertlərin qeyd etdiyi kimi, belə nəticələr təkcə idman deyil, ölkənin beynəlxalq imicinin formalaşmasında da mühüm rol oynayır. İdmanda qazanan uğurlar bir millətin nizam-intizamını, hazırlığını və gələcəyə olan inamını nümayiş etdirir.Özbəkistanın bu nailiyyəti bütövlükdə region üçün də nümunəvi hal hesab oluna bilər. Bu hadisə göstərdi ki, uzunmüddətli və düşünülmüş yanaşma ilə beynəlxalq arenada böyük nəticələr əldə etmək mümkündür.Telman AğayevSaatlı rayon Heydər Əliyev Mərkəzinin direktoru
- C. İyl 4th, 2025
