“Qoşulmama Hərəkatı inkişaf etməkdə olan ölkələrə postpandemiya dövründə bərpada ciddi dəstək verir”.
“Report” xəbər verir ki, bunu Liviya Prezident Şurasının sədri Məhəmməd Yunis əl-Mənfi martın 2-də Bakıda işə başlayan Qoşulmama Hərəkatının (QH) COVID-19-a qarşı mübarizə üzrə Təmas Qrupunun Zirvə görüşündə çıxışı zamanı deyib.
Onun sözlərinə görə, koronavirus pandemiyası ilə mübarizədə ölkələr arasında təcrübə mübadiləsi xüsusilə vacibdir.
O, həmçinin səhiyyə sisteminə və onun dayanıqlılığına diqqətin artırılmasının vacibliyini qeyd edib.
