Azərbaycan Xarici İşlər Nazirliyinin mətbuat katibi Ayxan Hacızadə Çexiya parlamentinin Deputatlar Palatasının sədri Marketa Pekarova Adamovaya cavab verib.
O, bu barədə “X” hesabında paylaşım edib.
“Çexiya qanunverici orqanının rəhbəri Marketa Pekarova Adamova uydurma erməni rəvayətlərinə əsaslanan məsələləri şərh etmək əvəzinə, qonağı olduğu ermənilərdən Ermənistanın öz konstitusiyasında və qanunvericiliyində nəzərdə tutulmuş qonşularına qarşı ərazi iddialarını nə vaxt aradan qaldıracağını soruşsa, daha məqsədəuyğun olardı”, – o qeyd edib.
Qeyd edək ki, Marketa Pekarova Adamova İrəvanda Ermənistan parlamentinin sədri ilə birgə mətbuat konfransında Azərbaycanın guya Ermənistanla danışıqlardan çəkinməsi barədə iddialar səsləndirib.
Would be more appropriate if the leader of #Czech legislature @market_a would ask her Armenian hosts when is Armenia going to eliminate territorial claims to her neighbors set in its Constitution and legislation, instead of commenting the issues based on fake Armenian narrative. https://t.co/mtD0ukKZiB
— Aykhan Hajizada (@Aykhanh) January 31, 2024
