Azərbaycanın xarici işlər naziri Ceyhun Bayramovla Ermənistanın xarici işlər naziri Ararat Mirzoyan arasında ikitərəfli görüş 4 saatdan çoxdur ki, davam edir.
Danışıqlar ABŞ-nin Virciniya ştatının Arlinqton şəhərində yerləşən Corc P.Şults adına Xarici Əlaqələr üzrə Milli Təlim Mərkəzində aparılır.
Qeyd edək ki, danışıqların əsas mövzusu sülh sazişinin müzakirəsidir.
20:17
Azərbaycan və Ermənistan xarici işlər nazirləri – Ceyhun Bayramov və Ararat Mirzoyan arasında ikitərəfli görüş başlayıb.
Bu barədə Azərbaycan Xarici İşlər Nazirliyi (XİN) “Twitter”də məlumat yayıb.
Qeyd edək ki, görüş ABŞ-ın Arlinqton şəhərində keçirilir.
ABŞ dövlət katibi Entoni Blinken bu gün hər iki ölkənin xarici işlər nazirləri ilə ikitərəfli görüşlər keçirib, daha sonra danışıqlar üçtərəfli formatda davam etdirilib.
HAPPENING NOW: The meeting between the Foreign Minister of #Azerbaijan @Bayramov_Jeyhun & the Foreign Minister of Armenia @AraratMirzoyan has just kicked off in Arlington.
Draft bilateral Agreement on Peace and Establishment of Interstate Relations between 🇦🇿🇦🇲 is on the agenda. pic.twitter.com/J01F1QvzhE
— MFA Azerbaijan 🇦🇿 (@AzerbaijanMFA) June 27, 2023
