“Ötən illərlə müqayisədə münaqişələrin sayı 50% artıb. Biz nəyisə düz etmirik”.
“Report” xəbər verir ki, bu sözləri BMT Baş Assambleyasının 77-ci sessiyasının sədri Caba Koroşi (Csaba Korosi) “Parçalanmış dünyanın bərpası” mövzusunda keçirilən XI Qlobal Bakı Forumunun lll panel müzakirəsində deyib.
Onun sözlərinə görə, artıq böhranlara sövq edən səbəblər dəyişib:
“Bizim işimiz əsasən islahatlardan keçir. Süni intellektin inkişaf etməsi münaqişələrin artmasına sövq edir. Biz BMT olaraq münaqişələri tam idarə edə bilmirik”.
O vurğulayıb ki, təsisatların islahatlara ehtiyacı var.
