Azərbaycanın xarici işlər naziri Ceyhun Bayramov Birləşmiş Krallığa işgüzar səfəri çərçivəsində Ukraynanın xarici işlər naziri Dmitro Kuleba ilə görüşüb.
Azərbaycan XİN-dən bildirilib ki, görüşdə iki ölkə arasında mövcud ikitərəfli və çoxtərəfli əməkdaşlıq gündəliyində duran aktual məsələlər, Ukraynada vəziyyət, və bölgəmizdə post-münaqişə səyləri müzakirə olunub.
C.Bayramov Azərbaycan və Ukrayna arasında diplomatik münasibətlərin qurulmasından ötən illər ərzində iki ölkənin müxtəlif, o cümlədən siyasi, iqtisadi, mədəni, humanitar və s. sahələr üzrə ikitərəfli və çoxtərəfli əməkdaşlığın genişləndirilməsi istiqamətində mühüm nailiyyətlər əldə olunduğunu bildirib. Ukraynanın ərazi bütövlüyünü və suverenliyini hər zaman dəstəkləyən Azərbaycanın Ukrayna ətrafında yaranmış böhran ilə əlaqədar göstərdiyi humanitar yardımları bundan sonra da davam etdirəcəyi bildirilib.
Ceyhun Bayramov, həmçinin bölgədə mövcud vəziyyət, post-münaqişə dövründə Azərbaycanın sülh və quruculuq səyləri, Azərbaycan və Ermənistan arasında münasibətlərin normallaşdırılması istiqamətində atılan addımlar, mövcud çağırışlar barədə qarşı tərəfi ətraflı məlumatlandırıb.
Dmitro Kuleba Azərbaycan və Ukrayna arasında ikitərəfli və çoxtərəfli əməkdaşlıqdan məmnunluqla bəhs edərək, bu istiqamətdə iki ölkənin liderləri arasında intensiv xarakter daşıyan təmasların rolunu vurğulayıb. Azərbaycanın Ukraynaya göstərdiyi humanitar yardım məmnunluqla və minnətdarlıqla qeyd olunub.
Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.
22:47
Azərbaycanın xarici işlər naziri Ceyhun Bayramov ukraynalı həmkarı Dimitri Kuleba ilə regional və beynəlxalq təhlükəsizlik məsələlərini müzakirə edib.
Bu barədə Azərbaycan Xarici İşlər Nazirliyi “Twitter”də məlumat yayıb.
Görüş Birləşmiş Krallıqda Ukrayna Bərpa Konfransı çərçivəsində baş tutub.
Qeyd olunub ki, nazirlər birgə əməkdaşlıq gündəliyini, qarşılıqlı maraq doğuran regional və beynəlxalq təhlükəsizlik məsələlərini müzakirə ediblər.
On the sidelines of his working visit to the United Kingdom 🇬🇧, FM of #Azerbaijan 🇦🇿@Bayramov_Jeyhun, meets with @DmytroKuleba, FM of #Ukraine 🇺🇦 to discuss cooperation agenda btw 🇦🇿-🇺🇦, regional & international security issues of mutual interest. pic.twitter.com/oloUSuBSbT
— MFA Azerbaijan 🇦🇿 (@AzerbaijanMFA) June 21, 2023
