“Artıq ikinci dəfədir ki, Azərbaycanda səfərdəyəm. Həqiqətən bu ölkəyə səfərdən həzz alıram”.
Bunu işğaldan azad edilmiş ərazilərə səfər edən beynəlxalq səyyahlar qrupunun üzvü kanadalı səyyah Erik Abtan APA-ya açıqlamasında deyib.
Kanadada, Almaniyada yaşayan azərbaycanlı dostlarının olduğunu bildirən səyyah vurğulayıb ki, onlar Azərbaycan haqqında ona çox maraqlı söhbətlər ediblər:
“Mən burada gözəl şəkillər çəkmişəm. Qarabağ, bu dağlar, bu mənzərə çox gözəldir. Həmçinin mən Azərbaycan yeməklərini sevirəm. Bu regionun turistik potensialı fantastikdir, siz bir Xudafərin körpüsünə baxın. Mən təəcübləndim ki, buranı necə olub UNESCO-nun mədəni İrs Siyahısına salmayıblar. Hesab edirəm ki, körpü bu siyahıda yer almağa layiqdir. Düşünürəm ki, illər sonra bura səfər edəndə biz burada çoxlu insan görəcəyik və bu körpünün xüsusi statusu olacaq”.
Səyyah deyib ki, Kəlbəcər və Laçının turizm potensialı da xüsusidir: “Oranın özünəməxsus təbiəti var”.
