“Biz Azərbaycan və Ermənistan arasında normallaşmanın tərəfdarıyıq”.
Bu sözləri Türkiyə xarici işlər naziri Mövlud Çavuşoğlu avstriyalı nazirlərlə görüşdən sonra jurnalistlərin suallarını cavablandırarkən deyib:
“Bizə regionda davamlı sülh lazımdır. Bizim gördüyümüz əngəl Ermənistanın üzərindəki təzyiqdir. Bu, Ermənistanın normallaşma prosesində cəsarətli addım atmasına mane olur.
Biz konstruktiv dialoqumuzu davam etdirmək istəyirik. Növbəti danışıqlar niyə Türkiyə və Ermənistanda olmasın? Biz Ermənistana da təklif etdik, ilk görüşü İrəvanda keçirə biləcəyimizi dedik, lakin Ermənistan daxili təzyiqlərə görə hələlik buna hazır deyil”.
Mənbə: Haber Türk
