“Mən əvvəldən Qlobal Bakı forumlarında olmuşam. Forumun ildən-ilə böyüməsindən və Prezident İlham Əliyev tərəfindən dəstək almağa davam etməsindən məmnunluq duyuruq”.
AZƏRTAC xəbər verir ki, bunu jurnalistlərə açıqlamasında Nizami Gəncəvi Beynəlxalq Mərkəzinin həmsədri, Latviya Respublikasının sabiq Prezidenti (1999-2007) Vayra Vike-Freyberqa söyləyib.
Foruma cəlb edilən qonaqların çox yüksək səviyyəli olduğunu vurğulayan Vayra Vike-Freyberqa deyib:
“Bu Forum Nobel mükafatı laureatlarını, Birləşmiş Millətlər Təşkilatının və onun törəmə qurumlarının nümayəndələrini, sabiq prezidentləri, Baş nazirləri, müxtəlif ölkələrin nazirlərini və prezidentləri bir araya gətirir”.
