Ermənistan hətta Beynəlxalq Qırmızı Xaç Komitəsinin (BQXK) konvoylarından qeyri-qanuni fəaliyyətlər üçün sui-istifadə edir və BQXK-nın əsas humanitar missiyasına xələl gətirir.
Bunu Azərbaycan Xarici İşlər Nazirliyinin Mətbuat xidmət idarəsinin rəisi Ayxan Hacızadə “Twitter” hesabında yazıb.
O, vurğulayıb ki, Azərbaycan bu səbəbdən BQXK-nın nəqliyyatın hərəkətini müvəqqəti dayandırmağa məcbur olub.
Qeyd edək ki, Azərbaycan Respublikası Dövlət Sərhəd Xidmətinin əməkdaşları tərəfindən BQXK-yə aid nəqliyyat vasitələrində dəfələrlə qanunsuz yolla müxtəlif növ qaçaqmalın keçirilməsi cəhdləri aşkarlanıb. Bu barədə BQXK-ya rəsmi kanallar vasitəsilə xəbərdarlıq edilməsinə baxmayaraq qanunazidd əməllər təkrar olunmuş və onların aradan qaldırılması üçün zəruri addımlar atılmayıb.
Aşkarlanan faktlarla əlaqədar Azərbaycan Respublikasının Cinayət Məcəlləsinin müvafiq maddələri ilə cinayət işi açılıb və zəruri istintaq tədbirləri həyata keçirilənə qədər Laçın dövlət sərhədindən buraxılış məntəqəsindən keçid müvəqqəti olaraq dayandırılıb.
Azerbaijan had to temporarily suspend the movement of @ICRC vehicles along the Lachin road, due to smuggling using ICRC vehicles. #Armenia even misuses ICRC convoys for illegal activities, undermining ICRC’s main mission for humanit. activit. & trust.
▶️https://t.co/cuJPVyrT7d— Aykhan Hajizada (@Aykhanh) July 11, 2023
