• Şb. Yan 28th, 2023

Rusiya NATO-ya cavab olaraq bu addımı atdı

ByYenigun.news

Apr 13, 2021

“Rusiya nəzarət yoxlaması zamanı iki ordu və üç hava desantını qərb sərhədlərinə köçürüb”.

“Yenigun.news” xəbər verir ki, bu barədə Rusiyanın müdafiə naziri Sergey Şoyqu açıqlama verib.

Onun sözlərinə görə, qoşunlar təlim və döyüş tapşırıqlarının həyata keçirildiyi ərazilərə göndərilib. Şoyqu bu addımın NATO-ya cavab olaraq atıldığını qeyd edib.

“İttifaqın Rusiyanı təhdid edən hərbi fəaliyyətinə cavab olaraq, müvafiq tədbirlər gördük”,- deyə Rusiya müdafiə naziri vurğulayıb.

Qeyd edək ki, 6 aprel tarixində Rusiya Silahlı Qüvvələri qış hazırlığı dövrü üçün nəzarət yoxlamasına başlayıb. Təlimlərin bütün hərbi bölgələrdə keçiriləcəyi bildirilib.

Rusiya Müdafiə Nazirliyi hərbçilərin aprel ayında 4 mindən çox təlim keçirəcəyini açıqlayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir