• Ca. İyl 25th, 2024

Cəlilabad rayonunda döyüşçü Elnur Əliyevin özünü yandırmasısəbəbi ailə münaqişəsidir

ByVuqar Ferzeliyev

İyl 10, 2024

44 günlük vətən müharibəsi iştirakçısı Əliyev Elnur Eynulla oğlunun 09 iyul 2024-cü il tarixdə Cəlilabad şəhəri ərazisində özünün yandırmaqla intihara cəhd etməsi səbəbləri məlum olmuşdur.
Elnur Əliyevin anası Zülfiyyə Əliyeva açıqlama verərək bildirmişdir ki: – Mən döyüşcü Elnur Əliyevin anası olaraq bəyan edirəm ki, övladım rayon məşğulluq xidmətinin yaxınlığında üzərinə benzin tökərək intihara cəhd etmişdir. Bu hadisədən bəzi yaramaz şəxslər öz məqsədləri üçün istifadə edərək vətəndaşlara yalnış informasiya verirlər. Əvvala onu bildirirəm ki, mənim oğlumun müharibədən sonra psixoloji problemləri yaranıb, hər il Psixiatriya Xəstəxanasında müalicə alır, sonuncu dəfə isə iyun ayının sonlarında həmin xəstəxanadan müalicədən qayıdıb. Oğlumun problemi ailəsi ilə bağlıdır. Həyat yoldaşım Eynulla Əliyev 8 iyun 2023-cü il tarixdə Masallı rayon sakini Şiriyeva Səbinə Nəcəfəli qızını oğlumuz Elnur Əliyevlə evləndirmək məqsədilə evimizə gətirmişdir. Lakin sonradan Səbinə Şəbiyevanın anası yaşadığımız ünvana gələrək münasibətlərin pozulduğuna görə oğlumun yoldaşını evlərinə aparıb və oğlumu məhkəməyə verərək maddi zərər vurduğuna görə 1000 manat və mənəvi zərər vurduğuna görə isə 10.000 manat alınıb onlara verilməsi barədə iddia qaldırmışlar. Məsələ ilə bağlı 7 iyul 2024-cü il tarixdə məhkəmə hazırlıq iclası keçirilmiş və 20 avqust 2024-cü il tarixdə isə məhkəmə baxış iclası keçiriləcəkdir.
Məndə olan məlumata görə bəzi öyrədilmiş şəxslər oğlumu inandırıblar ki, sən zorlamaya görə həbs olunacaqsan və sənin yeganə çıxış yolun intihar etməkdir. Oğlum da onlara inanaraq bu yolu seçmişdir. Çox təəssüf ki, bu hadisədən bəzi şəxslər dövlətə və Cəlilabad Rayon İcra Hakimiyyətinə qarşı istifadə etməyə çalışırlar. Hesab edirəm ki, oğlumu qızışdıran və bu məqsəddən istifadə edənlər eyni qrupa aiddirlər və hadisə qabaqcadan planlaşdırılmışdır.
Oğlum Elnur Əliyev psixi-əsəb pozğunluğundan əziyyət çəkir, mütamadi olaraq 1 saylı Respublika Psixiatriya Xəstəxanasında müalicə alır. Sonuncu dəfə isə iyun ayının sonlarında müalicədən qayıtmışdır.
Bizim ailənin dövlətdən və icra hakimiyyətindən heçbir narazılığı yoxdur, dəfələrlə icra hakimiyyəti tərəfindən ailəmizə lazımi köməkliklər olunmuşdur.
Oğlumun bu ailə faciəsindən istifadə edənlərə qəti etirazımı bildirirəm və şiddətlə qınayıram. Hüquq-mühafizə orqanlarından bu işin təşkilatçılarının tapılıb sərt şəkildə cəzalandırılmasını tələb edirəm.
Oğlumun inşallah tezliklə sağlamlığına qovuşub ailəmizə qayıdacağına ümüd edirəm.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir