“XIX əsrin birinci rübündə Rusiya imperiyası tərəfindən Cənubi Qafqazda yeni işğal olunmuş Azərbaycan xanlıqlarına etnik ermənilər köçürüldükdən sonra başda katolikoslar olmaqla erməni Qriqoryan kilsəsi mənəvi sfera ilə siyasət arasında aydın həddi saxlama zəhmətinə girmədi”.
Bu barədə Caliber.Az “YouTube” kanalındakı növbəti süjetində deyilir.
Qeyd olunur ki, özlərini bu şübhəli dini institutun ruhanisi elan edənlər üçün çox vaxt xristianlığın fundamental ehkamlarını pozmaq, hətta açıq-aşkar günaha batmaq bahasına dindən yayınmaq və cəmiyyətin siyasi həyatına birbaşa müdaxilə etmək əhəmiyyətsiz bir iş sayılır.
“İmperator I Nikolay tərəfindən yaradılan və qraf Aleksandr Benkendorfun başçılıq etdiyi, ölkədə nəinki müxtəlif gizli siyasi dairələrin, həm də dini strukturların, o cümlədən erməni Qriqoryan kilsəsinin fəaliyyətini yaxından izləyən Əlahəzrət İmperatorun Şəxsi Dəftərxanasının III Bölməsinə “lal axan sudakı şeytanlar” haqqında yaxşı məlum idi”, – deyə materialda vurğulanıb.
Ətraflı süjetdə:
