“Salam olsun türk dünyasına!”, “Salam Azərbaycan, Türkiyəmizə salam olsun”. Türk dünyası üçün hər zaman mübarizə aparan qəhrəman Qənirə Paşayevanı bu sözlərlə xatırlayacağıq”.
Bunu Türkiyənin kənd təsərrüfatı və meşə naziri İbrahim Yumaklı “X” sosial şəbəkəsindəki hesabında yazıb.
“Allah rəhmət eləsin. Bir millət, iki dövlət olaraq əziz xalqımıza başsağlığı verirəm”, – deyə nazir əlavə edib.
Xatırladaq ki, Milli Məclisin Mədəniyyət Komitəsinin sədri, deputat Qənirə Paşayeva sentyabrın 28-də müalicə olunduğu Mərkəzi Klinik Xəstəxananın reanimasiya şöbəsində vəfat edib.
Naməlum mənşəli hipotonik vəziyyət diaqnozu qoyulan Q.Paşayevanın səhhətindəki kritik durumla əlaqədar Mərkəzi Klinik Xəstəxananın həkim personalı və Türkiyədən cəlb edilmiş həkim mütəxəssislər tərəfindən görülmüş bütün zəruri tədbirlərə baxmayaraq, millət vəkilinin həyatını xilas etmək mümkün olmayıb.
Millət vəkili səhhətində yaranmış ciddi problemlərlə əlaqədar sentyabrın 24-dən Mərkəzi Klinik Xəstəxananın reanimasiya şöbəsinə yerləşdirilmişdi.
“Selam olsun ey Türk dünyası! Selam olsun Azerbaycan, selam olsun Türkiye’miz.”
Türk Dünyası için her daim mücadele eden yiğit #GanirePaşayeva’yı bu sözleriyle hatırlayacağız.
Merhumeye Allah rahmet eylesin. İki devlet tek millet olarak aziz milletimizin başı sağ olsun.🇹🇷🇦🇿 pic.twitter.com/29SwZmYctJ
— İbrahim Yumaklı (@ibrahimyumakli) September 28, 2023
