Bakıda Qoşulmama Hərəkatının Əlaqələndirmə Bürosunun nazirlər görüşü çərçivəsində İran xarici işlər naziri Hüseyn Əmir Abdullahiyan və Sudan xarici işlər naziri Əli as-Sadik arasında keçirilən görüşdə iki ölkə arasında yaxın gələcəkdə diplomatik əlaqələrin bərpası və səfirliklərin açılması barədə qərar qəbul edilib.
APA-nın xəbərinə görə, bunu İran xarici işlər naziri Hüseyn Əmir Abdullahiyan rəsmi səfərdə olduğu Əlcəzairdə keçirilən mətbuat konfransında bildirib.
Hüseyn Əmir Abdullahiyan deyib ki, sudanlı həmkarıyla Bakıda keçirilən görüşdə bu barədə razılığa gəliblər.
