“Hesablama Palatası Tacikistan Ali Audit Orqanının fəaliyyətinin həmkar qiymətləndirilməsini aparır”.
Oxu.Az-ın məlumatına görə, bunu Hesablama Palatasının sədri Vüqar Gülməmmədov Azərbaycan xalqının ümummilli lideri Heydər Əliyevin 100 illik yubileyinə həsr olunmuş “Dayanıqlı inkişaf. Hesabatlılıq. Şəffaflıq” mövzusunda beynəlxalq elmi-praktik konfransda çıxışı zamanı bildirib.
Onun sözlərinə görə, strateji idarəetmə sahəsində nümunəvi qurum kimi qiymətləndirilərək beynəlxalq layihə çərçivəsində həmkar fəaliyyətinin qiymətləndirilməsi təklifini qəbul ediblər:
“Bu günlərdə Tacikistan Ali Audit Orqanının (AAO) Strateji Planının qurulmasına və SAI PMF-in aparılması üzrə işlərə başlamışıq”.
İlhamə Əbülfət
