İşğal altında olan torpaqlarımızın azad edilməsi, ölkəmizin ərazi bütövlüyü və suverenliyinin təmin olunması uğrunda canlarından keçərək şəhidlik zirvəsinə ucalan qəhrəman Vətən oğullarının əziz xatirəsinə sonsuz hörmət və ehtiram nümayiş etdirmək məqsədilə “Regional İnkişaf” İctimai Birliyi (RİİB) 27 Sentyabr – Anım Gününə həsr edilən “Şəhidlərimiz qürurumuzdur!” aksiyası keçirib.
Oxu.Az xəbər verir ki, aksiyada RİİB könüllülərinin, şəhid övladları və gənclərin iştirakı ilə səmaya işıq fənərləri buraxılıb.
