Rusiya hökümətinin təşəbbüsü ilə Azərbaycan Qızıl Aypara Cəmiyyəti və Rusiya Qızıl Xaç Cəmiyyətinin birgə əməkdaşlıq memorandumuna əsasən, Rusiya tərəfindən Azərbaycan Qarabağ iqtisadi rayonunda yaşayan erməni sakinlərinin ərzağa olan ehtiyaclarının qarşılanması məqsədi ilə, Rusiya Qızıl Xaç Cəmiyyəti tərəfindən ərzaq və qeyri-ərzaq məhsulları ilə, ümumilikdə 1 tır ərzaq yükünü Ağdam-Əsgəran yolu vasitəsi ilə Xankəndi şəhərinə çatdırılması üçün 09.09.2023 tarixində Azərbaycan Respublikasının müvafiq qanunvericiliyinə uyğun olaraq, 14:30 radələrində, Samur buraxılış məntəqəsindən Azərbaycan ərazisinə keçmişdir.
Azərbaycan Qızıl Aypara Cəmiyyətindən Oxu.Az-a bildirilib ki, hazırda həmin yük Samur-Bakı, Bakı-Bərdə yolundan istifadə etməklə Ağdam və Əsgəran istiqamətində hərəkət edəcək.
Yük son təyinat məntəqəsinə çatdırıldıqdan sonra əlavə məlumat veriləcəkdir.
