“Yaxın keçmişdə Cənubi Qafqazda cərəyan edən hadisələr optimizm üçün ümid yaradır”.
“Report” xəbər verir ki, bunu IX Qlobal Bakı Forumu çərçivəsində “Cənubi Qafqaz, barışıq, əməkdaşlıq və inteqrasiya” mövzusunda keçirilən paneldə Rumıniyanın sabiq xarici işlər naziri Lazar Komanesku bildirib.
O, üç region ölkəsinin Qara Dəniz İqtisadi Əməkdaşlıq Təşkilatının (QDİƏT) üzvü olduğunu və bu təşkilata töhfə verdiyini xatırladıb.
“Azərbaycan Prezidentinin və xarici işlər naziri müavininin sözləri məni ruhlandırdı. Ümid edirəm ki, Azərbaycan və Ermənistan həll yolunu tapacaqlar və münasibətlərini normallaşdıracaqlar”, – sabiq XİN rəhbəri deyib.
