“İnflyasiya 12,5 faiz nəzərdə tutulsa da, bazarlarda qiymətlər hər gün bahalaşır”.
Oxu.Az-ın məlumatına əsasən, bunu Milli Məclisin iclasında deputat Fazil Mustafa deyib.
O bildirib ki, sahibkarlığa şərait yaradılmalıdır.
“Rəsmi olaraq sahibkarlıq sahəsində yoxlamalar aradan qaldırılıb. Amma qeyri-rəsmi olaraq yoxlamalar aparılır”, – deyə o əlavə edib.
Millət vəkili qeyd edib ki, monopoliya aradan qaldırılmalıdır. Deputat dərslərin sentyabrın 1-də başlamasını da təklif edib.
“Belə arqument gətirirlər ki, isti olduğuna görə dərslər sentyabrın 15-də başlayır. Afrikada nazir olsaydılar, onda isti olduğuna görə tədrisi qadağan edərdilər ki!” – deyə Fazil Mustafa bildirib.
Millət vəkili müəllimlərin ən yüksək maaşa layiq olduqlarını da vurğulayıb.
Aqşin Kərimov
