“İran buna əngəl yaradır, amma biz bilirik ki, Zəngəzur dəhlizi də açılacaq”.
“Report” xəbər verir ki, bunu Qərbi Azərbaycan İcmasında jurnalistlərə açıqlamasında Türkiyə Böyük Millət Məclisinin (TBMM) Azərbaycanla dostluq qrupunun rəhbəri Şamil Ayrım deyib.
Ş.Ayrım bildirib ki, beynəlxalq hüquq da Azərbaycandan yanadır:
“Biz kinli millət deyilik. Amma 30 illik qaçqınlıq, köçkünlük həyatının cavabı verilməlidir. Düzdür, İran buna əngəl yaradır, amma biz bilirik ki, Zəngəzur dəhlizi də açılacaq və biz avtomobillə Azərbaycana gələcəyik”.
