“Biz diplomatik əlaqələrin qurulmasının 30 illiyini qeyd etməyi planlaşdırırıq. Otuz il ərzində Latviya ilə Azərbaycanın ikitərəfli münasibətləri uğurla inkişaf edib”.
AZƏRTAC xəbər verir ki, bu barədə Latviya Prezidenti Egils Levits Azərbaycan Prezidenti İlham Əliyevlə görüşdən sonra mətbuata bəyanatında bildirib.
E.Levits deyib: “Ölkələrimiz arasında təşviq edə biləcəyimiz bir çox ikitərəfli məsələlər var, o cümlədən biz qlobal, beynəlxalq səviyyədə əməkdaşlıq etməliyik”.
