Jurnalist Həmid Həmidov “Danışaq?” layihəsinin yeni buraxılışında növbəti maraqlı videomüsahibəni izləyicilərə təqdim edib.
Ənənəvi podkastın budəfəki qonağı tanınmış azərbaycanlı politoloq, “Cənubi Qafqaz” siyasi klubunun rəhbəri İlqar Vəlizadə olub.
Söhbətin əsas mövzusunu Türkiyədə keçirilən seçkilər təşkil edib. Həmsöhbətlər xüsusilə prezident seçkisi, dövlət başçısı vəzifəsinə keçmiş və hazırkı namizədlər, o cümlədən Türkiyədə baş vermiş fəlakətli zəlzələlərdən sonrakı durumu və xarici siyasətdəki vəziyyəti müzakirə ediblər.
Müsahibə zamanı politoloq hazırkı prezident və hakim Ədalət və İnkişaf Partiyasının namizədi Rəcəb Tayyib Ərdoğanın Türkiyəyə rəhbərlik etdiyi dövrdə əldə etdiyi əsas nailiyyətlərdən danışıb, həmçinin seçkinin birinci turunun nəticələrini təhlil edib.
İ.Vəlizadə Ərdoğanın qalib gəlməsinin Qərb üçün vacibliyini, Ərdoğanın seçkiləri qazanmayacağı təqdirdə Bakı-Ankara münasibətlərinin necə olacağı ilə bağlı fikirlərini də bölüşüb.
Podkastın sonunda politoloq səsvermənin ikinci turundan gözləntilərindən danışıb.
Daha ətraflı videoda:
