Bakıda ümummilli lider Heydər Əliyevin anadan olmasının 100 illiyinə həsr olunmuş “Sabantuy 2023” tədbirində Rusiya Federasiyasının Tatarıstan Respublikasının Rəisi Rüstəm Minnixanov və Azərbaycanın iqtisadiyyat naziri Mikayıl Cabbarov iştirak ediblər.
Oxu.Az xəbər verir ki, Tatarıstan nümayəndə heyəti Fəxri Xiyabanda Ümummilli Lider Heydər Əliyevin məzarını ziyarət edib, xatirəsini ehtiramla anaraq abidəsi önünə əklil qoyublar. Görkəmli oftalmoloq-alim akademik Zərifə xanım Əliyevanın xatirəsi də ehtiramla anılıb, məzarı üzərinə tər güllər düzülüb.
Qonaqlar Şəhidlər Xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəmanların xatirəsini anıb, “Əbədi məşəl” abidəsi önünə əklil qoyublar.
“Sabantuy 2023” tədbirinin açılışında çıxış edən Tatarıstan Respublikasının Rəisi Rüstəm Minnixanov qeyd edib ki, Sabantuy bayramının tatarların yaşadığı bir çox ölkələrdə, eləcə də Azərbaycanda keçirilməsinin xalqlar arasında dostluq və əməkdaşlıq tellərini gücləndirir. Vurğulanıb ki, əsrlər boyu etnik tatarlar və azərbaycanlılar ortaq dəyərlərə, dini və mədəni köklərə əsaslanan sıx, qardaşlıq münasibətlərini qoruyub saxlayıblar. Tatarlar Azərbaycanda rahat yaşayır, dövlətlərimiz də, öz növbəsində xalqlarımız arasındakı bu sıx əlaqələrə əsaslanan ikitərəfli münasibətlərin müxtəlif istiqamətlərdə inkişafına böyük əhəmiyyət verir.
İqtisadiyyat naziri Mikayıl Cabbarov Azərbaycan-Tatarıstan əməkdaşlığının inkişafında ulu öndər Heydər Əliyevin və Tatarıstanın birinci Prezidenti Mintimer Şaymiyevin əvəzsiz xidmətlərini qeyd edib. Nazir bildirib ki, Azərbaycanda yaradılmış əlverişli investisiya mühiti, xarici investorlar, o cümlədən Tatarıstan sahibkarları üçün geniş perspektivlər vəd edir. İşğaldan azad olunmuş ərazilərimizin bərpasında da Rusiya şirkətləri fəal iştirak edir. Azərbaycan Respublikasının Prezidenti cənab İlham Əliyev və Rusiya Federasiyasının Tatarıstan Respublikasının Rəisi cənab Rüstəm Minnixanovun iştirakı ilə “Araz Vadisi İqtisadi Zonası” Sənaye Parkında “Avto Lizinq Azərbaycan” MMC-nin açılışı da tərəfdaşlığımızın göstəricilərindəndir.
Azərbaycanın Rusiyadakı səfiri Polad Bülbüloğlu xalqlarımızın ortaq dəyərlərini qeyd edib, birgə tədbirlərin əməkdaşlığın inkişafına töhfə verdiyini bildirib.
Tədbir çərçivəsində ümummilli lider Heydər Əliyevə, eləcə də Tatarıstanın görkəmli şəxslərinə, milli-mənəvi dəyərlərə həsr olunan tematik meydançalar təşkil olunub. Hər iki respublikanın dövlət və mədəniyyət xadimlərinin Tatarıstan Respublikasının dövlət mükafatları ilə təltif olunduğu tədbir ədəbi-musiqili proqramla davam edib.
Qeyd edək ki, kənd təsərrüfatı ənənələri və aqrar mədəniyyətlə əlaqələndirilən “Sabantuy” tarlalarda məhsul yığımının başa çatması münasibətilə keçirilən bayramdır.
14:46
Bakıda “Sabantuy 2023” tədbiri keçirilib.
Oxu.Az xəbər verir ki, Ümummilli Lider Heydər Əliyevin anadan olmasının 100 illiyinə həsr olunmuş “Sabantuy 2023” tədbirində Tatarıstanın Rəisi Rüstəm Minnixanov və Azərbaycanın iqtisadiyyat naziri Mikayıl Cabbarov iştirak ediblər.
“Sabantuy 2023” tədbirinin açılışında çıxış edən Tatarıstanın Rəisi Rüstəm Minnixanov qeyd edib ki, Sabantuy bayramının tatarların yaşadığı bir çox ölkələrdə, eləcə də Azərbaycanda keçirilməsinin xalqlar arasında dostluq və əməkdaşlıq tellərini gücləndirir.
Vurğulanıb ki, əsrlər boyu etnik tatarlar və azərbaycanlılar ortaq dəyərlərə, dini və mədəni köklərə əsaslanan sıx, qardaşlıq münasibətlərini qoruyub saxlayıblar. Tatarlar Azərbaycanda rahat yaşayır, dövlətlərimiz də, öz növbəsində xalqlarımız arasındakı bu sıx əlaqələrə əsaslanan ikitərəfli münasibətlərin müxtəlif istiqamətlərdə inkişafına böyük əhəmiyyət verir.
İqtisadiyyat naziri Mikayıl Cabbarov Azərbaycan-Tatarıstan əməkdaşlığının inkişafında Ulu Öndər Heydər Əliyevin və Tatarıstanın birinci Prezidenti Mintimer Şaymiyevin əvəzsiz xidmətlərini qeyd edib.
Nazir bildirib ki, Azərbaycanda yaradılmış əlverişli investisiya mühiti, xarici investorlar, o cümlədən Tatarıstan sahibkarları üçün geniş perspektiv vəd edir. Onun sözlərinə görə, işğaldan azad olunmuş Azərbaycan ərazilərinin bərpasında Rusiya şirkətləri də fəal iştirak edir.
Azərbaycanın Rusiyadakı səfiri Polad Bülbüloğlu xalqlarımızın ortaq dəyərlərini qeyd edib, birgə tədbirlərin əməkdaşlığın inkişafına töhfə verdiyini bildirib.
Tədbir çərçivəsində Ümummilli Lider Heydər Əliyevə, eləcə də Tatarıstanın görkəmli şəxslərinə, milli-mənəvi dəyərlərə həsr olunan tematik meydançalar təşkil olunub. Hər iki respublikanın dövlət və mədəniyyət xadimlərinin Tatarıstan Respublikasının dövlət mükafatları ilə təltif olunduğu tədbir ədəbi-musiqili proqramla davam edib.
Qeyd edək ki, kənd təsərrüfatı ənənələri və aqrar mədəniyyətlə əlaqələndirilən “Sabantuy” tarlalarda məhsul yığımının başa çatması münasibətilə keçirilən bayramdır.
Daha çox şəkil burada: PhotoStock.az
10:26
Bakıda, Dənizkənarı Milli Parkda Azərbaycanın Ümummilli Lideri Heydər Əliyevin anadan olmasının 100 illik yubileyinə həsr olunmuş tatarların milli bayramı Sabantuy keçirilir.
“Report” xəbər verir ki, tədbirdə Tatarıstan Respublikasının rəisi Rüstəm Minnixanov və Azərbaycanın iqtisadiyyat naziri Mikayıl Cabbarov iştirak edir.
Onlar festivalda nümayiş edilən tematik ərazilərlə tanış olurlar.
Həmçinin festivala qatılanlar “Baursak evi”nin həyətində çay otağı kimi hazırlanmış fotozona ilə tanışa ola, orada tatar şirniyyatları, çay, keramika məhsulları ala və “baursak” adlı desertin dadına baxa bilərlər.
“Milli müdriklik evi”ni ziyarət edənlər tatar ictimai xadimlərinə həsr olunmuş sərgi ekspozisiyası ilə tanış olur, həmçinin tematik ustad dərslərində iştirak edirlər.
Tədbirin proqramına, həmçinin xalq sənətkarlığı yarmarkası və müxtəlif müsabiqələr daxildir.
Bayramın əsas səhnəsində isə Tatarıstan və Azərbaycan sənətkarlarının iştirakı ilə konsert keçirilir.
Qeyd edək ki, tədbirə giriş pulsuzdur.
