“Fransa Ermənistanla Azərbaycan arasında sərhəddə artan insidentlərdən – ən sonuncusu mayın 26-dan 27-nə keçən gecə 6 erməni əsgərinin Azərbaycan qoşunları tərəfindən əsir götürülməsindən dərin narahatlığını bildirir”.
Yenigun.news xəbər verir ki, bu barədə Fransa Xarici İşlər Nazirliyinin açıqlamasında deyilir.
“Fransa tərəfləri maksimum təmkinli olmağa və hər hansı bir təxribatdan çəkinməyə çağırır. İki ölkə arasındakı sərhədin demarkasiyası və delimitasiyası tərəflər arasındakı danışıqlar çərçivəsində həyata keçirilməlidir” – deyə Fransa Xarici İşlər Nazirliyi Prezident Emmanuel Makronun 13 may tarixli açıqlamasını xatırladaraq qeyd edib.