“Terroru maliyyələşdirən ABŞ, Fransa, Rusiyadır. Bu günə qədər Ermənistanı silahlandıran bu ölkələrdir”.
APA xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə komitəsi və İqtisadi siyasət, sənaye və sahibkarlıq komitəsinin birgə iclasında deputat Aqil Abbas bildirib.
Aqil Abbas deyib ki, sadəlövh olmayaq:
“Bu gün bütün hadisələr sülhməramlıların gözlərinin qarşısında olur. Mən onların adını sülənənməramlı qoymuşam. Bunların adını çəkməkdən qorxmayaq. İran da namərd ölkədir. Bunu bilirik. Amma o birilərin də adını çəkək”.
Komitə sədri Ziyafət Əsgərov deyib ki, İrandan, Ermənistan və digər dövlətlərdən terrorizmi maliyyələşdirən kanalların qarşısını kəsmək məqsədimizdir.
