Bolqarıstanın Prezidenti Rumen Radev Azərbaycanın İrandakı səfirliyinə qarşı xain terror hücumunu qınayıb.
“Bolqarıstan Azərbaycanın Tehrandakı səfirliyinə ölümcül hücumu qınayır. Belə hücumlar qəbuledilməzdir və həyəcan doğurur. Biz Prezident İlham Əliyevin hadisənin diqqətlə araşdırılması barədə çağırışını dəstəkləyir və həlak olan şəxsin ailəsinə dərin hüznlə başsağlığı veririk”, – deyə Radev “Twitter” hesabında qeyd edib.
България осъжда смъртоносното нападение срещу посолството на Азербайджан в Техеран. Подобни нападения са неприемливи и тревожни. Подкрепяме президента Алиев в призива му за задълбочено разследване и изразяваме най-дълбоки съболезнования на близките на жертвите
— President.bg (@PresidentOfBg) January 28, 2023
Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə silahlı hücum olub. Məlumata görə, hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi, baş leytenant Orxan Əsgərovu qətlə yetirib. Səfirliyin mühafizə xidmətinin iki əməkdaşı da hücumun qarşısını alarkən yaralanıb, onlardan biri əməliyyat olunub. Hazırda bu xain hücum üzrə araşdırma gedir.
Azərbaycan səfirliyinə hücum edən şəxs səfirlik əməkdaşları tərəfindən saxlanılıb.
