“Qonşu ölkələr Azərbaycanla Ermənistan arasında sülh sazişinin imzalanmasının sürətləndirilməsinə yardım göstərə bilər, ilk növbədə, söhbət Gürcüstandan gedir”.
Bunu “Report”a açıqlamasında Finlandiyanın Azərbaycanda, eyni zamanda Cənubi Qafqazın digər ölkələrindəki səfiri Kirsti Narinen deyib.
“Ümid edirəm ki, Azərbaycan və Ermənistan arasında münasibətlərin normallaşdırılması və sülh sazişinin imzalanması üzrə aparılan danışıqlarla tezliklə nəzərəçarpacaq nəticələrə və regionda davamlı sülhə nail oluna bilər”, – o vurğulayıb.
Onun sözlərinə görə, münasibətlərin normallaşması üçün regional yanaşma lazımdır və bu mənada Gürcüstan böyük rol oynaya bilər:
“Hazırda bu mənada “vasitəçilik” sözünün o qədər də uyğun olmadığını düşünürəm. “Dəstək” sözünü işlətmək daha yaxşı olardı”.
