COP29-un Bakıda keçirilməsinə heç bir qüvvə mane ola bilmədi və mane ola da bilməzdi. Prezident İlham Əliyevin noyabrın 12-də Bakıda COP29-un Liderlər Sammitinin açılış mərasimindəki çıxışında deyildiyi kimi, irimiqyaslı beynəlxalq tədbirlərin keçirilməsi üzərimizə böyük məsuliyyət qoyur.və Azərbaycanda davamlı olaraq nüfuzlu beynəlxalq tədbirlər keçirilir.
Təəssüf ki, beynəlxalq aləmdə “İkili standartlar” siyasətinin təzahürü göz
önündədir. Bəzi hallarda beynəlxalq aləm, beynəlxalq birlik anlayışı Qərbdə
və bəzi media vasitələrində təhrif edilir. Lakin bilməliyik ki, beynəlxalq birlik 30-40 ölkə deyil. Beynəlxalq birlik dünyanın bütün ölkələridir və bu ölkələr yekdilliklə Azərbaycana öz böyük dəstəyini göstərmişdir. Çünki aparılan siyasət nəticəsində dünya miqyasında çox güclü mövqelərə sahib olmuşuq. COP29 da bu vaxta qədər keçirilmiş tədbirlərlə müqayisəyə gəlmir.
Eyni zamanda, Azərbaycan neft- qaz ölkəsi kimi bu sahədə də özünü göstərmişdir və bizim gündəliyimiz yaşıl enerji ilə bağlıdır. İnkişafımızda qeyri-neft sektorunun inkişafında ətraf mühitin qorunmasına xüsusi diqqət ayrılır. Yaşıl gündəliyimiz, həmçinin Azərbaycanın müxtəlif bölgələrini əhatə edir. Beləliklə, Azərbaycanın Naxçıvan, Qarabağ və Şərqi Zəngəzur regionları yaşıl enerji zonaları elan edilib və bu, ərazimizin, demək olar ki, dörddəbiridir.
Biz 2030-cu ilə qədər təxminən altı giqavatlıq Günəş, külək və hidroenerji stansiyalarının tikilməsini planlaşdırırıq. Lakin bu, tam planlarımızın hamısı deyil, 10 giqavatlıq bərpaolunan enerji layihələri üzrə müqavilələr və anlaşma memorandumları imzalanıb. Biz, həmçinin ixrac bazarlarına diqqət yetiririk və Xəzər dənizindən başlayaraq Qara dənizin dibi ilə enerji kabelinin çəkilməsini nəzərdə tutan digər mühüm enerji təhlükəsizliyi layihəsinin həyata keçirilməsi üçün tərəfdaşlarımızla fəal çalışırıq.
Dövlətimizin başçısı cənab İlham Əliyev bizim uğurlarımıza kəm baxanlara hər zaman düşünülmüş tədbirlərlə cavab verib. Yaxşı olardı ki, ən azı onlar özlərinə və Azərbaycandan 10 dəfə artıq neft hasil edən özlərinin qonşuluğundakı ölkəyə baxsınlar. Azərbaycan Qoşulmama Hərəkatına dörd il ərzində uğurla sədrlik edib və burada da bizim sədrliyimiz 120 ölkənin dəstəyi ilə mümkün olmuşdur, hətta sədrliyimiz bir il uzadılmışdır. Bakıda keçirilən mötəbər tədbirin keçirilməsi beynəlxalq dəstəyin böyük göstəricidir. Amma bu da bir reallıqdır ki, bəzi Qərb ölkələri, Azərbaycanın Qələbəsi ilə barışmaq fikrində deyil. .Hesab edirəm ki bizə qarşı irəli sürülmüş ittihamların heç bir əsası yoxdur. Çünki Azərbaycan öz suveren ərazisində beynəlxalq hüququn aliliyini və eyni zamanda, bütün humanitar normalara əsasında öz suverenliyini bərpa etmişdir. Həm də ölkələrə qiymət başqa meyarlara görə verilməlidir. Məsələn, Azərbaycanda işsizliyin səviyyəsi 5,4 faiz, yoxsulluğun səviyyəsi 5,2 faizdir. Azərbaycanın xarici borcu ÜDM-in cəmi 7,5 faizini təşkil edir.
Səməd Rüstəmov,
Cəlilabad şəhər Mənzil İstismar Sahəsinin rəisi